Āā Ēē Īī Ōō Ūū

uia mai wētahi o wōku hoa ki ahau me pēhea te tuhi tohu tō ki runga rorohiko.  ko tāku ki a rātau rapungia ngā kupu ‘tohu tō’ ki google. mā konā koe kite ai i wētahi hononga hai ārahi i a koe ki ngā kōrero mō te tohu tō e whakamahingia ana e ngai māori.  anei wētahi hai tiro māu.

tohu tō mō microsoft wini mā

tēneki hononga he mea whakamārama i te whakapapa o te tohu tō e hāngai ana ki te reo māori.  kai konā hoki tētahi hōtaka rorohiko mō te hunga whakamahi microsoft vista. toro atu>>>

tohu tō mō te āporo mac

1. tomo atu ki ngā ‘whiringa punaha’.
2. pāwhiritia te ‘ata ā-ao’.
3. pāwhiritia te ‘rārangi whakauru’
4. toro iho kia kite ai koe i te kupu ‘māori me tōna haki.
5. raua he ‘tohu tika’ ki roto i te pouaka me te pouaka kai raro iho e ui ana ki te whakaatu i te rārangi whakauru ki runga i te mata matua.
6. katia te wini ‘whiringa punaha’.
7. pāwhiritia te haki kai runga iho. kōwhiria te tohu māori.
8. Ki te pato tohu tō pēhia te pātene kai te taha maui o te nama 1.

i kite au i te waiata nei i runga i te youtube.com. he waiata ataahua i ahu mai i te whānau nei.  he manu reo reka, he manu noho marae te āhua nei.  mauri ora ki a koutou ngā manu waiata.

nau mai ki taku pae whakaaro mō te reo māori.  he whakaaro i ahu mai i tētahi kōrero me tētahi o wōku tuahine e noho mai ana i hiri i tēneki wā.  i te rapu pae whakaaro māori a ia hai pānui mā rāua ko tana hoa tane.  tē kite nā reira kua ara ake tēneki pae whakaaro hai whakaatu i tāku i kōrero ai, i kite ai, i rongo ai rānei…